ABDI KASSIM NA DAN MRWANDA WAZUIWA KUJIUNGA NA STARS:

Abdi Kassim.

Dan Mrwanda.

Abdi Kassim na Dan Mrwanda ni miongoni mwa wachezaji saba wanaocheza soka la kulipwa nje ya nchi walioitwa na kocha wa Taifa Stars, Jan Poulsen, kwa ajili ya mechi dhidi ya Jamhuri ya Afrika Kati itakayofanyika juni 5 mwaka huu jijini Bangui. Wachezaji hao wa Tanzania wanaocheza klabu moja ya Dong Tam Long ya Vietnam wamenyimwa kibali na timu yao kutokana na kuwa tegemeo katika klabu hiyo ambayo kwa sasa inashika mkia katika msimamo wa ligi ya nchi hiyo inayoshirikisha timu 14 na kudai kuwa wachezaji hao ni muhimu kwao katika jitihada za kuwaokoa kutoka mkiani. Hata hivyo, TFF wamepinga hatua hiyo kwa kuwa ni kinyume na kanuni ya hadhi na uhamisho wa mchezaji (Regulations of Status and Players Transfer) na kuahidi kuwasilisha malalamiko yao kwa shirikisho la kimataifa la mpira wa miguu (FIFA).

Note: To post a comment:

Click 'comment',write your comment in the comment pad,THEN (Select Anonymous profile to hide your name OR Name/URL profile to disclose your name ie Name: (Write your name) and URL: (This is optional)) THEN Click 'Post comment',type the word shown for verification THEN Click 'Post comment'.